Manchester United zhvilloi kundër Norwich ndeshjen e javës së 16-të të Premier Leagues, takim që u mbyll me fitoren minimale të djajve.
Goli i vetëm i këtij takimi është shënuar nga i zakonshmi Cristiano Ronaldo, këtë herë me anë të një 11-metërshi.
Përball një prej sulmuesve më të mirë në botë, portieri i Norwich, Krul mendoi të dhuronte spektakël duke u përpjekur të “hutojë” yllin e Manchester United.
Krul filloi të bënte disa lëvizje për të rënduar psikologjikisht portugezin, ku në fillim i tregoi emrin në fanellë, pastaj kërkoi nga publiku duartrokitje, por njëkohësisht i tregonte CR7 se ku do e godiste penalltinë.
Përpjekje kjo që nuk rezultoi e duhura, sepse në fund CR7 arriti të realizonte mjeshtërisht dhe të dërgonte topin në njëri krah dhe portierin në krahun tjetër, për t’i dhënë kështu Manchester United 3 pikëshin e radhës.
/f.a/abcnews.al
