Pas tërmetit tragjik që goditi Turqinë dhe Sirinë, Vincenzo Montella, trajneri i Adana Demirspor, ka folur për “Corriere della Sera” rreth kësaj tragjedie.
“Lojtarët e mi u zgjuan nga familjarët që ishin në rrugë. Binte shi i madh në Adana dhe një skenar apokaliptik me përmasa të mëdha po kalonte para syve të tyre. Epiqendra e tërmetit është dyqind kilometra larg, por lëkundjet kanë qenë të forta dhe të vazhdueshme dhe e kemi ndjerë shumë.
Gratë dhe fëmijëtt kishin lënë shtëpitë e tyre, ata qanin me të madhe. I dëgjoja britmat e tyre nga celulari. Fëmijët e mi më telefonojnë dhe më kërkojnë të kthehem në shtëpi. Unë i qetësova, por tani do të doja t’i përqafoja fort. Më duhet kjo gjë për t’u ndjerë mirë fizikisht edhe emocionalisht.
Ndihem si një njëri me fat, iu afrova një tragjedie të madhe, por për fatin tim të mirë nuk pësova gjë”, është shprehur Montella./h.ll/abcnews.al
