Mehmet Hetemaj, futbollisti dardan që ka mbron ngjyrat e Finlandës, është kthyer në hero, pasi i ka shpëtuar jetën një fëmije, i cili rrezikoi të mbytej në një liqen artificial. 32-vjeccari ndodhej aty së bashku më nënën e tij, kur një fëmijë ra prej dyshekut të plazhit në ujë.
Hetemaj ka rrëfyer ngjarjen: “Moti ishte i mirë dhe së bashku me nënën po bënim banje dielli. Ishim 10 metra larg ujit. Gjithçka ndodhi shumë shpejt. Nëna ime e kapi djalin, por të dy përfunduan nën ujë. Hyra vetë në ujë dhe arrita te djali. Më pas e nxora mbi ujë.
Kam parë Baywatch dhe programe të ngjashme televizive dhe duket e lehtë. Me të vërtetë ishte e vështirë, edhe pse djali ishte më pak se 10 vjeç. Thjeshtë e ngrita në sipërfaqe me të dy duart dhe ia hapa këmbët.
Notova disa metra dhe teknika imë nuk ishte e duhura, pasi djali dukej shumë i rëndë. Shpesh unë shkoj dhe notoj me ekipin aty. Nuk do ishte diçka e keqe nëse do të bënim kurse për shpëtimin e njerëzve”.
Hetemaj luan në elitën e futbollit finlandez, me skuadrën e SJK. Prej pesë vitesh është pjesë e këtij ekipi, ndërkohë që në të shkuarën ka luajtur edhe në Greqi e Itali, me skuadra si Monza, Albinoleffe e Reggina. /abcnews.al
