Policia e Lezhës arreston një 40-vjeçar i cili ishte shpallur në kërkim pë veprat penale “Vrasje e mbetur në tentativë” dhe “Armëmbajtje pa leje”.
40-vjeçari, Aleksander Perdoda ishte shpallur në kërkim në tetor të vitit 2019, për shkak se ka qëlluar me armë zjarri në drejtim të mjetit me drejtues shtetasin M. F
Policia njofton se në zbatimin e planit të masave për kapjen e personave në kërkim, mbi bazën e informacioneve të marra në rrugë operative, një shtetas në kërkim po levizte me mjet në aksin e vjetër Zejmen-Lezhë. Policia Rrugore e Lezhës, në bashkëpunim më shërbimet e Komisariatin të Policisë Lezhë ka mirëorganizuar punën duke bërë të mundur kapjen dhe ndalimin e shtetasit A. P., 40 vjeç, banues në Kolsh, Lezhë. Materialet procedurale u referuan në Prokurorinë pranë Gjykatës së Shkallës së Parë Lezhë, për veprime të mëtejshme, thuhet në njoftimin e policisë./abcnews.al
