Një grua, videoja e së cilës ku i propozonte vetë të dashurit të saj ui bë virale, ka zbuluar se është përballur me kritika të ashpra në rrjet. 27 vjeçarja Sukhmin Garcha i propozoi partnerit të saj në Korrik. Megjithatë, ajo mori një “lum” kritikash me pretendimin se një vajzë nuk duhet t’i propozojë një burri.
Videoja mori shumë dashuri nga meshkujt, por Sukhmin u befasua kur pa kaq shumë negativitet nga gratë. “Unë kam qenë gjithmonë e hapur për propozimin. Në fillim isha shumë nervoze për këtë. Doja të gjeja momentin e duhur për ta bërë këtë gjë. Personalisht, nuk shkaktoi ndonjë problem.
I dashuri im buzëqeshte. Familjet tona ishin vërtet mbështetëse dhe të lumtura për këtë. Nëna ime ishte vërtet krenare. Vetëm sepse jo shumë njerëz nuk e kanë bërë atë, nuk do të thotë se është e gabuar.”, u shpreh Sukhmin Garcha duke iu referuar paragjykimeve me të cilat është përballur në rrjet.
“Këto janë vetëm role të vjetruara gjinore të krijuara nga shoqëria, ne jemi brezi i ri dhe mund të ndërtojmë patjetër një shoqëri të re ku rolet gjinore nuk ekzistojnë. Miqtë dhe familja ime e pëlqyen. Kam marrë shumë komente negative. Shumë prej tyre ishin “Më mirë të vdisja” ose “ajo nuk ka respekt për veten”.
Shumë urrejtje erdhi nga femrat, gjë që ishte shumë befasuese. Ishte interesante të shihje se si burrat mbështetën propozimin tim. Në shoqërinë tonë ne duam gjithmonë barazi, por për shkak të paragjykimeve kulturore gjithmonë ka rezistencë. Unë sinqerisht besoj se duhet t’i thyejmë këto norma.”, tha ajo.
/abcnews.al
