Megan Fox dhe Machine Gun Kelly u fejuan pak ditë më parë. Pas më pak se dy vitesh lidhjeje, muzikanti e çoi marrëdhënien e tyre në një tjetër nivel kur shtroi pyetjen me një unazë që në fakt ka një simbolikë mjaft të veçantë.
MGK shpjegoi se unaza përmban dy diamantë që përfaqësojnë “dy gjysma të të njëjtit shpirt, duke formuar zemrën e errët që është dashuria jonë”. Në një intervistë të fundit të Vogue, ai ndau disa detaje të tjera rreth unazës.
“Është një smerald kolumbian i pastër. Koncepti është që unaza mund të shkëputet për të bërë dy unaza. Kur janë bashkë mbahen nga një magnet. Dhe shiritat janë në fakt ‘gjemba’. Pra, nëse ajo përpiqet ta heqë, dhemb…”
Kur intervistuesi tha: “Kjo është shumë e bukur”, MGK thjesht u përgjigj: “Dashuria është dhimbje!” /abcnews.al
