Mihal Kote, 62-vjeçari i arrestuar një ditë më parë nga policia për shkak se falsifikonte datën e skadencës së produkteve ushqimore është liruar nga qelia pasi gjykata ka caktuar ndaj tij masën e sigurisë “arrest shtëpie”.
Burime bëjnë me dije për ABC se në momentin kur është marrë në pyetje nga departamenti i Krimit Ekonomik ai ka mohuar të ketë ndërruar datat e skandencave duke deklaruar se kjo mund të jetë bërë nga një ish-punonjëse e tij.
Kote u vu në pranga pas një denoncimi në një emision televiziv se ndryshonte datën e skadencës së produkteve ushqimore si vaj ulliri dhe djathë kaçkavall dhe më pas i nxirrte në treg për t’i shitur.
Policia njoftoi dje se Kote akuzohet se i ndryshonte datën e skadencës disa produkteve që prodhonte si dhe kishte përdorur etiketa false në produkte ushqimore që më pas i shiste./mv.abcnews.al
