Vrasësi i anëtarit të klanit mafioz Miliq Minja Shakoviç e ka parë tri herë viktimën e tij, ka pritur dy inspektorë të hyjnë në qytetin e vjetër dhe më pas është kthyer dhe ka qëlluar me armë rreth orës 23:30.
Lexo më shumë për ngjarjen këtu
Detajet i ka treguar para hetuesve një dëshmitar okular i vrasjes së një 35-vjeçari. Sipas Vijesti, personi në fjalë ishte ulur me miqtë në restorantin Korkovado, ku edhe Shakoviç po darkonte.
Ai u tha hetuesve të Budvës se kishte vërejtur një burrë të dyshimtë duke kaluar për të tretën herë pranë tarracës së lokalit nën muret e qytetit të vjetër të Budvës. Mesa duket dyshonte se ky person po ndryshonte mënyrën e ecjes kur kalonte, por edhe çantën e vjetër prej pëlhure femërore që mbante.
Ai gjithashtu i ka thënë policisë se pasi personi ka kaluar për herë të tretë, pothuajse duke ndjekur dy inspektorët e policisë së Budvës dhe duke vënë një kapele për të mbuluar fytyrën, ka shkuar për të paguar faturat, i frikësuar se mund të ndodhë diçka.
Deklarata e tij thotë se ai dëgjoi të shtëna armësh pikërisht atëherë, dhe më pas e pa Shakoviçin të shtrirë në trotuar, kështu që vrapoi pas vrasësit i cili qëlloi në ajër, me shumë gjasa për të trembur turistët që tashmë ishin në rrëmujë.
Dëshmitari okular u tha hetuesve se pas tij ka vrapuar edhe një polic i ulur në një kafene pranë tij.
Ai e cilësoi vrasësin si një mashkull pa mjekër rreth 35 vjeç dhe i gjatë rreth 170 centimetra. Ai gjithashtu u tha hetuesve se ekzekutori kishte veshur një këmishë të bardhë me mëngë të gjata, një kapele të bardhë, xhinse të zbehta dhe atlete të zeza. Ai u tha gjithashtu se po ndiqte vrasësin e deri në zonën mes hotel “Mogren” dhe parkingut, ku i ra një çantë ku mbante armën.
“Në një moment, vrasësi u kthye nga ne dhe filloi të nxirrte armën nga çanta. Unë bërtita dhe polici bëri gati armën. Vrasësi vrapoi edhe më shpejt dhe më pas i ra çanta”, thuhet në deklaratën e dëshmitarit okular. /abcnews.al
