I infektuar me Covid-19, shtrohet në spital kryetari i Komunës së Drenasit

schedule11:53 - 7 Gusht, 2020

schedule 11:53 - 7 Gusht, 2020

Kryetari i Komunës së Drenasit në Kosovë, Ramiz Lladrovci është shtruar në spital pas infektimit me COVID-19.

Drejtori për Shëndetësi dhe Mirëqenie Sociale në këtë komunë, Arsim Haxhiu e ka konfirmuar për mediat në Kosovë shtrimin e Lladrovcit në spital.

Sipas tij, gjendja e Lladrovcit është e stabilizuar.

“Po, është në observim klinik në SHSKUK nga e mërkura. Gjendja e tij është stabile”, ka thënë Haxhiu. Lladrovci ka njoftuar para 10 ditësh se ka rezultuar pozitiv me COVID-19. Ai kishte bërë me dije se kishte pak temperaturë dhe se do të jetë në izolim deri në shërimin e plotë.

“Mora njoftimin nga IKShPK se testi im për covid-19, është pozitiv. Kam pak temperaturë, pa shenja tjera. Ndjehem mirë. Izolimi im vijon në pajtim me rekomandimet e institucioneve shëndetësore deri në shërimin e plotë. Respektoni rekomandimet e IKShPK dhe të institucioneve tjera relevante. Bartni maskën, ruani distancën, mbani higjienën!”, shkroi Lladrovci.