Përfaqësuesi izraelit në Kombet e Bashkuara i ka bërë thirrje shefit të UNRWA-s të marrë përgjegjësinë dhe të japë dorëheqjen lidhur me përdorimin e dyshuar të shkollave të agjencisë së OKB-së nga Hamasi.
Thirrja e Erdanit erdhi pas një postimi në X nga Philippe Lazzarini që mohonte dijeninë e agjencisë për ekzistencën e tuneleve të Hamasit nën ambientet e UNRWA në Gaza, siç pretendoi më parë ushtria izraelite.
Erdan tha në një postim në përgjigje të komisionerit të përgjithshëm të agjencisë: “Nuk është se nuk e dinit, nuk deshe ta dinit”.
“Ne ekspozuam tunelet e terrorit nën shkollat e UNRWA-s dhe siguruam prova që Hamasi shfrytëzon UNRWA-n. Ne ju lutëm që të kryeni një kontroll gjithëpërfshirës të të gjitha objekteve të UNRWA-s në Gaza. Por jo vetëm që refuzove, zgjodhe të fusësh kokën në rërë”, shtoi ai./abcnews.al
