Hyjnë në fuqi tarifat e ulura për thirrjet telefonike

schedule17:10 - 3 Dhjetor, 2018

schedule 17:10 - 3 Dhjetor, 2018

Nga data 1 Dhjetor 2018 kanë hyrë në fuqi, ulja me 17.5% e tarifave ekzistuese të thirrjeve nga tre kompanitë celulare në vend. Autoriteti i Komunikimeve Elektronike dhe Postare (AKEP) ka arritur të finalizojë kështu një vendim që duhej të ishte marrë që në vitin 2016. Vetëm pas ndryshimeve në strukturat drejtuese dhe menaxheriale të AKEP, u mundësua realizimi i analizave të tregut nga Bordi i AKEP.

Pas konsultimit publik të tarifave ekzistuese, AKEP vendosi tarifa simetrike për të tre operatorët, sipas nivelit maksimal të vlerave dhe afateve të përcaktuara. Sipas AKEP tarifa maksimale e thirrjeve për telefoninë celulare do të jetë 1.48 lekë. Tarifat e reja të miratuara do reflektohen tek pagesat e thirrjeve hyrëse dhe dalëse me shumicë, drejt një operatori tjetër që në muajin Dhjetor./abcnews.al