Pak muaj më parë gazetarja Jonida Shehu humbi nënën për shkak të koronavirusit. Përmes një mesazhi të shpërndarë në rrjetet sociale nga ministrja e Shëndetësisë, Ogerta Manastirliu, Jonida Shehu thotë se shtyrja e kohës së vaksinimit ishte një gabim prandaj u bën thirrje të gjithëve që të injektojnë dozën kundër COVID-19 për të qenë të mbrojtur kundër virusit.
“Nuk besoj se ka ngelur njeri pa një përjetim personal për COVID-in. Është shumë e freskët koha e këtij COVID-it fatal në familjen tonë. Në të gjitha analizat dhe mendimet që më vijnë pas ikjes së mamit, është që asnjëherë nuk mendova se ajo do të ikte nga COVID-19.
Mbas nënës time kam pasur edhe njerëz të tjerë të familjes të infektuar që për fat të mirë ishin vaksinuar, nuk e kaluan thjeshtë, por sot janë. Kjo më mjafton për të menduar që shtyrja e kohës së vaksinës ishte një gabim.
Mundësia që vaksina mund të të shtojë qoftë edhe një përqindje pro armëve të tua në luftë me virusin duke marrë parasysh sa i tmerrshëm dhe i paparashikueshëm është ja vlen.
Nuk është nesër koha e duhur, është sot ose dje nëse mundësh, mbase mbase gjërat do të kishin rrjedhur ndryshe nëse do ta kisha menduar kështu përpara pak muajsh” shprehet Jonida Shehu./ Abcnews.al
