Lajmi i kësaj jave për Cristiano Ronaldon që dëshiron të largohet nga Manchester United e ka lënë klubin të tronditur.
Portugezi dëshiron të largohet nga Old Trafford në mënyrë që të luajë në Champions League sezonin e ardhshëm dhe kërkesa e tij drejtuar klubit që ta lejojnë të largohet ka shkaktuar një panik.
Pas kërkesës së tij për t’u shitur, Cristiano nuk u paraqit në seancën e parë stërvitore parasezonale të “Djajve të Kuq” nën drejtimin e Erik ten Hag, megjithëse kjo me sa duket ishte për arsye familjare.
Tani “Daily Mail” po raporton se klubi nuk është i sigurt nëse Cristiano do të jetë me ta kur ata të nisen për në Tajlandë dhe Australi të premten, ndërsa ata fillojnë turneun e tyre parasezonal.
“The Sun” po thotë se Ten Hag i ka kërkuar klubit që të zgjidhë situatën sa më shpejt të jetë e mundur, në një mënyrë ose në një tjetër, në mënyrë që ai të planifikojë skuadrën e tij për sezonin 2022/23 duke e ditur nëse ai do të jetë në gjendje të thërrasë Cristiano Ronaldon ose jo.
Largimi i mundshëm i Cristiano Ronaldos ka bërë shumë njerëz të reagojnë. Gary Neville, Jamie Carragher, Jamie O’Hara dhe Jimmy Floyd Hasselbaink janë vetëm disa nga individët që kanë komentuar publikisht situatën së fundmi.
“Askush nuk dëshiron një lojtar që nuk është i lumtur”, tha holandezi për “Sky Sports”. “Sidomos të atij kalibri. Ju dëshironi që ai të jetë i lumtur dhe nëse do të punoni me të, e dini që duhet të ndërtoni ekipin tuaj rreth tij. Nëse ai nuk është i lumtur, paratë nuk kanë rëndësi. Ai nuk mund të zëvendësohet, por skuadra mund të përmirësohet në fusha të tjera. Cristiano Ronaldo ishte golashënuesi i tyre më i mirë sezonin e kaluar”, tha O’Hara për “talkSPORT”./ h.ll/abcnews.al
