Hovenier: SHBA-të janë të shqetësuara për incidentin në Zveçan

Ambasadori amerikan në Prishtinë, Jeffrey Hovenier deklaroi se SHBA-të janë të shqetësuara për plagosjen me armë zjarri në veri të Kosovës.

Përmes një postimi në rrjetet sociale, Hovenier u shpreh se institucionet e Policisë së Kosovës duhet të kryejnë një hetim të plotë dhe të besueshëm.

“SHBA-të janë të shqetësuara për një incident në të cilin një serb i Kosovës u qëllua mbrëmë në Zveçan. Zyrtarët dhe institucionet e Policisë së Kosovës duhet të kryejnë një hetim të plotë dhe të besueshëm. Ne jemi thellësisht të shqetësuar nga mohimi fillestar i bërë pa kujdesin e duhur.

Të gjithë qytetarët duhet të kenë besim në transparencën e zbatimit të ligjit dhe sektorit të drejtësisë. Mbështetja e SHBA-së për institucionet e Kosovës për sundimin e ligjit, çon përpara një vizion të përbashkët të një shteti demokratik dhe multietnik. Ata që janë përgjegjës për veprime kriminale duhet të mbajnë përgjegjësi”, shkroi Hovenier në Twitter.

The U.S. is concerned about an incident in which a Kosovan Serb was shot in Zvecan/Zveqan last night. Kosovo Police officials and institutions must conduct a thorough, credible investigation. We are deeply concerned by the initial denial made without due diligence. 1/2

— Ambassador Jeff Hovenier (@USAmbKosovo) April 11, 2023