Hoti: Nga viti 2023 mësuesit në Kosovë do të marrin pagën e 13-të

schedule09:15 - 22 Janar, 2021

schedule 09:15 - 22 Janar, 2021

Kryeministri në detyrë i Kosovës, Avdullah Hoti, ka njoftuar se sot do të nënshkruhet kontrata kolektive në fushën e arsimit.

Ai ka thënë se janë dakorduar me Sindikatën e Bashkuar të Arsimit dhe Shkencës që të paguhet edhe paga e 13-të për mësuesit e arsimit parauniversitar, duke filluar nga viti 2023.

“Jemi pajtuar që të paguhet paga e 13’të duke filluar nga viti 2023 E kemi saktësu pagesën për shujtën dhe transportin. Sot do të nënshkruhet kjo kontratë me disa ndryshime teknike që do të bëhen gjatë ditës. Mendoj që është një momenti i mirë në fushën e arsimit që e rregullon mënyrën e funksionimit të arsimit në vend”, ka deklaruar Hoti.

Ndërkohë, Ministri i Arsimit, Ramë Likaj tha se çështja e pagës së 13-të lidhet ngushë me performancën e mësuesve.

“Paga e 13-të, është e lidhur ngushtë me performancën dhe nëse tregojnë performancë të mirë, mësimdhënësit do ta marrin një pagë të tillë”, ka deklaruar Likaj.