Loading ...
Në vendet e zhvilluara perëndimore homofobia konsiderohet një krim. Por në Zvicër jo të gjithë janë të bindur për këtë. Partitë e djathta në vend kanë mbledhur firmat e duhura për mbajtjen e një referendumi për këtë cështje.
Merret i mirëqënë fakti që kodi penal i një vendi të zhvilluar perëndimor të dënojë ata që diskriminojnë personat në bazë të orientimit seksual. Por në të vërtetë nuk është kështu. Në Zvicër një parti e së djathtës ka vënë në diskutim një ligj të miratuar në vitin 2018 për këtë temë, që i bën të dënueshme diskriminimet: qofshin këto për racën, etninë, fenë dhe orientimit seksual. Pas miratimit të ligjit në skenë u ngjitën ata që e mendojnë ndryshe dhe që kanë mbledhur firmat e nevojshme për mbajtjen e një referendumi, i cili mbahet të dielën.
Komuniteti LGBT është në rradhë të parë për mbrojtjen e ligjit duke pretenduar se homoseksualët në Zvicër shpesh janë objekt i sulmeve të dhunshme.
Qeveria federale gjithashtu mbështet ligjin aktual dhe është e bindur se 65 për qind e popullsisë do të jenë në të njëjtën linjë. Të paktën sipas sondazheve paraprake të mbajtura në vend ditët e fundit.
Pavarësisht kësaj Zvicra është ende prapa për sa i përket termave të barazisë juridike për homoseksualët.
Referendumi është kërkuar nga partia Unioni Demokratik Federal, i së djathtës konservatore. Ata e shihin si një censurë ligjin në fjalë, kundër besimit të tyre ku secili është i lirë të shprehet publikisht kundër homoseksualëve.
Partia në fjalë është katolike – protestante dhe shumë konservatore. Në manifestin e saj flitet për moralizimin e politikës dhe shoqërisë zvicerane, kundër abortit, kundër legalizimit të frogave dhe sigurisht kundër martesave mes personave të së njëjtës gjini./abcnews.al
