Karlmann King është SUV-i më i shtrenjtë në botë me një çmim bazë prej rreth 2 milionë dollarë. Krijuar nga kompania kineze IAT Design, kjo makinë synon blerës jashtëzakonisht të kufizuar. U prezantua dy vite më parë në Motor Show në Dubai, ku zyrtarët e kompanisë njoftuan se do të ndërtohej në Itali vetëm me porosi.
SUV-i me pamjen e tij joreale që të kujton një luftëtar, përdor platformën Ford F-450 dhe motorin Ford Triton. Fuqizohet nga një motor V10 me benzinë 6.8 litra me 400 kuaj fuqi. Ofron një shpejtësi maksimale prej 200 km/h për shkak të peshës së tij të madhe (deri në 6 ton nëse blerësi zgjedh mbrojtjen opsionale të trupit).
Sa i përket brendësisë, mjedisi i teknologjisë së lartë kombinohet me një nivel unik komoditeti që përfshin edhe një kasafortë të integruar. Blerësit që porosisin këtë “bishë” duhet të presin nga 9 deri në 15 muaj.
/abcnews.al
