Këshilli i OKB-së për të drejtat e njeriut do të mblidhet sot për të dënuar pushtimin rus të Ukrainës dhe për të zgjeruar hetimin e saj për krimet e luftës në konflikt.
Disa ditë pasi asambleja e përgjithshme e Kombeve të Bashkuara në Nju Jork votoi me shumicë dërrmuese për të kërkuar tërheqjen e menjëhershme të Rusisë nga Ukraina.
“Ne po kërkojmë që kjo mbledhje të tregojë, siç tregoi asambleja e përgjithshme e OKB-së, se bota qëndron krah për krah me Ukrainën, “tha ambasadori britanik Simon Manley.
Takimi do të jetë i pari i kryesuar nga shefi i ri i OKB-së për të drejtat Volker Turk.
Sekretari i përgjithshëm i OKB-së, António Guterres, do t’i drejtohet gjithashtu këshillit ditën e parë, ndërsa rreth 150 ministra dhe krerë shtetesh dhe qeverish do të flasin, virtualisht ose personalisht.
Mes tyre do të jenë edhe diplomatët më të lartë të SHBA-së, Kinës, Ukrainës dhe Iranit.
Moska do të dërgojë zëvendësministrin e jashtëm Sergej Ryabkov për t’iu drejtuar personalisht këshillit të enjten.
Një rezolutë kryesore do të jetë zgjerimi i një hetimi të nivelit të lartë për krimet e kryera në Ukrainë që nga pushtimi i plotë i Rusisë.
I ashtuquajturi Komisioni Hetimor, i cili tashmë ka përcaktuar se Rusia po kryen krime lufte në Ukrainë, do të paraqesë një raport gjithëpërfshirës në këshill në fund të marsit.
/abcnews.al
