E përditshmja zvicerane “Blick” rendit presidentin e Kosovës Hashim Thaçi në listën e liderëve më të fuqishëm në botë duke e cilësuar atë si një personalitet që pritet të lërë gjurmë gjatë vitit 2019.
Një nga të përditshmet më të lexuara në Zvicër, “Blick“ ka bërë një analizë për sfidat që i presin nëntë krerë të shteteve më të fuqishme të botës. Në mesin e këtyre liderëve, që pritet të lënë gjurmë në vitin 2019, gazeta më e madhe në Zvicër e ka përfshirë edhe Presidentin e Kosovës, Hashim Thaçin. Duke analizuar sfidat e vitit 2019 që e presin Presidentin e Kosovës, Hashim Thaçin, “Blick” shkruan se në Dhjetor Thaçi njoftoi themelimin e ushtrisë së Kosovës, derisa Serbia që asnjëherë nuk e ka pranuar Kosovën reagoi ashpër.
Sipas gazetës, viti 2019 do të jetë detyrë e Thaçit që të vazhdojë të mbrojë pavarësinë e vendit të tij dhe të kontribuojë në stabilitetin e rajonit, pas themelimit të ushtrisë, pa e nxitur më tej konfliktin. Sipas “Blick”, liderët përcaktues që bota të mos dalë nga kontrolli janë Presidenti i SHBA-së, Donald Trump, Kancelarja e Gjermanisë, Angela Merkel, Presidenti i Kosovës, Hashim Thaçi, Presidenti i Francës, Emmanuel Macron, Kryetarja e ardhshme e Kongresit Amerikan, Nancy Pelosi, Presidenti i Rusisë, Vladimir Putin, Mbreti i Arabisë Saudite, Mohammed bin Salman, Kryeministrja e Britanisë, Theresa May dhe Presidentja e Rumanisë, Viorika Dansila./abcnews.al
