Haradinaj në Tropojë, shkon në shtëpinë ku qëndronte me vëllain që ra dëshmor

Pas pritjes në qendër të Bajram Currit, kryetari i Aleancës, Ramush Haradinaj, ka vazhduar me vizitë në Spitalin “Isa Zllami”. Aty ka mbajtur fjalim para stafit dhe ka ndarë medalje për spitalin si dhe për mjekun e ndjerë Dr. Sokol Sulo.

Ndër të tjera, ai e ka përshkruar si më emocionuese vizitën ku gjatë organizimit të luftës, ka qëndruar së bashku me të vëllain Luanin, tani Hero i Kombit. Ai ka pirë ujë edhe te kroi ku kishte pirë bashkë me të.

Haradinaj ka ndarë medalje “ME BESIM NË ZOT, ATDHE E SHTET” edhe për familjen e Binak Ali Mulosmanit dhe familjen Bajraktari.

Kujtojmë se Haradinaj është shpallur qytetar nderi në Tropojë, në vitin 2008, pas lirimit nga Haga për herën e parë dhe është shumë popullor atje.

Postimi i plotë i Haradinajt:

Në vazhdim të vizitës në Rrethin e Tropojës, kam bërë homazhe në Varrezat e Dëshmorëve të këtij rrethi.

Gjithashtu kam ndaluar te disa monumente që simbolizojnë dhe ruajnë pjesë të rëndësishme të historisë së shqiptarëve në tre shekujt e fundit, Spitalin “Isa Zllami” që ishte adresë e trajtimit të qindra luftëtarëve të UÇK-së, Kullën e Binak Alisë, që shërbeu si gjykatë dhe kuvend në të cilën u morën shumë vendime të rëndësishme, Kullën ku u lind e u rrit Heroi Kombëtar Mic Sokoli, që shpërfaq dëshmi të shumta të rezistencës kundër pushtuesve dhe Lapidarit në Rrugën e Gashit që i kushtohet kuvendeve, betejave dhe kryengritjeve që nga Lidhja Shqiptare e Prizrenit.

Kam vizituar edhe shtëpinë e të ndjerit Hamdi Bajraktari, që ka vlerë të madhe emocionale për mua, ku takuam të shoqen e Hamdiut, Bardhen, të birin Agronin dhe familjarë të tjerë. Gjatë organizimit të Luftës Çlirimtare, kjo shtëpi ishte strehë dhe sofër për mua e për vëllain tim Luanin, por edhe shumë luftëtarë të lirisë. Evokuam shumë kujtime të ditëve më të lavdishme dhe piva ujë në kroin ku kemi pirë bashkë me Luanin.

Për kontribut të jashtëzakonshëm në çështjen kombëtare shqiptare, kam ndarë medaljen “ME BESIM NË ZOT, ATDHE E SHTET”, për familjen e prijësit dhe gjykatësit popullor Binak Ali Mulosmani, familjen e atdhetarit Brahim Shpend Bajraktari, Dr. Sokol Sula (post mortem) dhe Spitalin “Isa Zllami”.

Falënderoj kryetarin e Bashkisë së Tropojës z. Rexhë Byberi për pritjen. Falënderoj secilin tropojan që në çdo vizitë, më bëjnë të ndjehem si në shtëpinë time!

Mos rri jashtë: bashkohu me ABC News. Ne jemi kudo!

Rajoni Ramush Haradinaj

Haradinaj në Tropojë, shkon në shtëpinë ku qëndronte me vëllain që ra dëshmor

Të ngjashme

Minute pas minute

Belind Këlliçi në SPAK/ Thirret për sqarime për kallëzimin e falsifikimit të diplomës

“Money Report” me Genta Dobra, (26/12/2024)

Newsline me Rovena Nezirin, (26/12/2024)

Pesha e bujqësisë/ Rrapaj: Të shtohen investimet në mekanizim, humbet 30% e prodhimit nga mungesa e fuqisë punëtore

Mbi 10,000 emigrantë vdiqën këtë vit gjatë përpjekjes për të arritur në Spanjë përmes detit

Rusia përdor Bitcoin në tregtinë e jashtme/ Synon kundërshtimin e sanksioneve të Perëndimit

Kosova probleme me energjinë elektrike, Haradinaj kritik: “Qeveria e territ”, nuk nxorrën asgjë në dritë

Vrau burrin me sëpatë në Sarandë, gruaja shtrohet në spitalin psikiatrik