Udhëheqësit e Hamasit po studiojnë propozimin e armëpushimit të paraqitur nga ndërmjetësit egjiptianë dhe shpresojnë të përgjigjen deri të enjten. Kështu raporton Hamasi në një deklaratë dërguar Associated Press.
Raundi aktual i bisedimeve të armëpushimit midis Izraelit dhe Hamasit duket të jetë serioz, por palët mbeten shumë larg njëra-tjetrës për një çështje kyçe: nëse lufta duhet të përfundojë apo jo sipas marrëveshjes.
Duke përsëritur qëndrimet e tyre themelore, udhëheqësit e Hamasit thanë se po punojnë për një përgjigje ndaj propozimit që do të çonte në përfundimin e operacioneve ushtarake të Izraelit në Rripin e Gazës, dërgimin e ndihmave humanitare shumë të nevojshme dhe fillimin e rindërtimit të territorit të shkatërruar si dhe lirimin e pengjeve të mbajtura nga Hamasi në këmbim të të burgosurve palestinezë./abcnews.al
