Loading ...
Lëvizja e armatosur palestineze Hamas dhe partia Fatah që sundon Bregun Perëndimor kanë arritur një marrëveshje për qeverisjen e Gazën pas përfundimit të konfliktit me Izraelin, raportojnë mediat e huaja.
Sipas raportimeve, Hamasi më ekstrem dhe Fatah i moderuar miratuan projekt-marrëveshjen pas negociatave të zhvilluara në Kajro.
Sipas dokumentit të planit, komiteti, i cili do të përbëhet nga 10-15 anëtarë, do të jetë përgjegjës për ndihmën humanitare, arsimin, kujdesin shëndetësor, ekonominë dhe rindërtimin e Rripit të Gazës pas përfundimit të konfliktit.
Nisma vjen në një kohë të përpjekjeve të përtërira diplomatike për t’i dhënë fund luftës në Gaza, e cila u ndez nga sulmi i paprecedentë i Hamasit në Izrael më 7 tetor 2023.
Këto përpjekje, të udhëhequra nga Shtetet e Bashkuara së bashku me Egjiptin, Katarin dhe Turqinë, vijnë gati një javë pasi hyri në fuqi armëpushimi midis Izraelit dhe Hezbollahut në Liban./abcnews.al
