Hamasi, i cili kontrollon Gazën, nuk mund të lirojë pengjet e rrëmbyer gjatë sulmit të tij ndaj Izraelit derisa të arrihet një armëpushim, tha një anëtar i një delegacioni të Hamasit që vizitoi Moskën.
Sipas gazetës, anëtari i Hamasit Abu Hamid pretendoi se Hamasit i duhet kohë për të gjurmuar të gjithë ata që u rrëmbyen nga Izraeli dhe u dërguan në Gaza nga fraksione të ndryshme palestineze gjatë sulmit të 7 tetorit nga Hamasi.
“Ata rrëmbyen dhjetëra njerëz, shumica prej tyre civilë, dhe neve na duhet kohë për t’i gjetur në Rripin e Gazës dhe më pas për t’i liruar,” tha Hamid.
Hamasi tha ditën e djeshme se rreth 50 pengje ishin vrarë nga sulmet ajrore izraelite. Izraeli i ka bërë thirrje Russië që të dëbojë delegacionin e Hamasit që viziton Moskën.
Kujtojmë se gjatë natës, ushtria izraelite e mbështetur nga tanked he automjete të blinduara goditi objektivat e Hamasit në një sulm tokësor që zgjati disa orë në pjesën veriore të Rripit të Gazës.
Ushtria njoftoi se operacioni ishte përgatitje për fazat e ardhshme të betejës, duke theksuar se ushtarët ishin larguar nga zona dhe ishin kthyer në territorin izraelit.
/abcnews.al
