Gjatë vizitës së tij në Serbi, komisioneri europian për Zgjerim, Johanes Hahn, u shpreh se bllokimi i dialogut me Kosovën nuk mund të pengojën integrimin europian të vendit.
Komisioneri europian për Zgjerim, Johannes Hahn, deklaroi në Beograd se është i shqetësuar për bllokimin e dialogut mes Kosovës dhe Serbisë. Por gjithsesi sipas tij kjo nuk mund të jetë arsye për ndalimin e procesit të integrimit europian të Serbisë.
Sipas raportimeve të mediave serbe, në konferencën e tij të përbashkët për shtyp me kryeministren Ana Brnabiç, Hahn theksoi se do të ishte e papritur që të ndalonte çdo gjë vetëm për shkak të bllokimit të dialogut.
Ai u treguar optimist për rrugën europiane të Serbisë duke thënë se po vazhdojnë përgatitjet për hapjen edhe të një kapitulli në bisedat për anëtarësim të Serbisë në Bashkimin Europian.
Mbrëmjen e së enjtes Hahn është takuar dhe me presidentin e Serbisë Aleksandër Vuçiç./abcnews.al
