Seanca e radhë në Hagë për çështjen e Hashim Thaçit, Kadri Veselit, Rexheo Selimit dhe Jakup Krasniqit është vendosur të mbahet më 11 shkurt.
Seanca pritet do të fillojë në 11:00.
“Siç është njoftuar në Kalendarin tonë të Gjykatës, Konferenca e radhës për ecurinë e çështjes në çështjen kundër Thaçit, Veselit, Selimit dhe Krasniqit do të mbahet më 11 shkurt në orën 11:00”, thuhet në njoftim.
Katër ish-udhëheqësit politikë e ushtarakë të UÇK-së, akuzohen për krime lufte dhe krime kundër njerëzimit. Aktakuza bën përgjegjës Thaçin, Veselin, Krasniqin e Selimin për krime që dyshohet se janë kryer në disa qendra gjatë viteve 1998-1999.
/abcnews.al/
