Erling Haaland vazhdon të mahnitë. Sulmuesi norvegjez i Salzburg arriti t’i shënonte dje sërish Napolit dhe numëron shtatë gola Champions League. Kur realizoi tre herë në portën e Genk në debutim mund të kishte diskutime mbi nivelin e kundërshtarit.
Gjithsesi askush nuk ka më dyshime, pasi nuk është e lehtë t’u shënosh fituesve në fuqi të Champions League, Liverpoolit, dhe Napolit tre herë në dy ndeshje. Shifrat e kanë përfshirë 19-vjeçarin në historikun e Champions League.
Haaland bëhet lojtari i katërt në historinë e këtij kompeticioni që shënon në katër ndeshjet e para. I pari e ka bërë Ze Carlos me POrton, në sezonin 1992/93. Në vitin 1995 e ka përsëritur legjenda Alessandro Del Piero dhe në sezonin 2013/2014 Diego Costa. /abcnews.al
4 – Erling Haaland is the fourth player in Champions League history to score in each of his first four appearances – the others are Zé Carlos (FC Porto, 1992/93), Alessandro Del Piero (Juventus, 1995) and Diego Costa (Atlético Madrid, 2013/14). Flames. pic.twitter.com/eZ85BM5zua
— OptaJoe (@OptaJoe) November 5, 2019
