Duke folur në një intervistë për France Football, sulmuesi i Borussia Dortmund, Erling Haaland iu përgjigj disa pyetjeve interesante, që treguan një anë tjetër të sulmuesit 19 vjeçar.
“Momenti më i mirë në karrierë? Kam shumë. Nëntë golat me Norvegjinë, kjo ishte diçka e mirë. Debutimi im në Ligën e Kampionëve (17 Shtator 2019, me Salzburg, ku shënoi tre gola). Debutimi im me Dortmundin, ishte fantastik. Kam shumë. Unë nuk mund të zgjedh vetëm një moment”.
“Lojtari më i mirë në botë? Ju po më bëni shumë pyetje të vështira. Nëse do të më duhej të zgjidhja një, do të thosha… Ka shumë… Messi është i pabesueshëm. Cristiano Ronaldo është i pabesueshëm. Nuk mund të zgjedh”.
“A ka ndonjë lojtar që ëndërroj ta takoj? Jo. Për momentin, duhet të luaj ende kundër Messit dhe Ronaldos. Do të shohim. Mbrojtësi që urrej? Van Dijk. Ai është shumë i mirë. Ai është i fuqishëm, i shpejtë, ai zotëron të gjitha cilësitë. Është një lojtar i jashtëzakonshëm”.
“Ku do të jem pas 10 vitesh? Nuk kam asnjë ide. Sigurisht që kam ëndrra, por sapo kam mbërritur në Dortmund. Jam shumë i lumtur që jam këtu. Dua të shijoj çdo sekondë, të bëj gjëra të mëdha dhe të mos mendoj për asgjë tjetër. A po mendoj për ndeshjen kundër PSG-së? Aspak”, përfundoi Haaland./abcnews.al
