as thashethemeve për një lëvizje të mundshme të Haaland në Manchester City, pamjet e norvegjezit në Etihad, ku Borussia luajti në play-off të Champions League sezonin e kaluar, u rishfaqën në Twitter.
Të hënën në mbrëmje u zbulua se Manchester City kishte rënë dakord për kushtet personale me përfaqësuesit e Haaland përpara një transferimi të verës. Marrëveshja do ta bëjë sulmuesin norvegjez lojtarin më të paguar në Premier League, duke i ofruar atij 500,000 £ në javë.
Babai i sulmuesit 21-vjeçar Alf-Inge kaloi tre vjet te Manchester City dhe besohet se ka qenë i përfshirë në negociata. Haaland madje ka një foto foshnje me një fanellë klubi.
Në një video të vitit të kaluar, Haaland, duke dalë në fushën e Manchester Cityt, tha: “Sa bukur”.
Para asaj ndeshje, Josep Guardiola lavdëroi norvegjezin: “Të shënosh kaq shumë gola në moshën e tij nuk është e lehtë. Ai është 20 vjeç dhe shifrat flasin vetë. Kjo sepse ai mund të shënojë me këmbën e majtë, me të djathtën, në kundërsulme, dhe në kuadrat. Ai është një sulmues fantastik, të gjithë e dinë këtë”. /abcnews.al/
