Sekretari i Përgjithshëm i OKB-së Antonio Guterres tha sot gjatë vizitës së tij në Jordani se ekziston një konsensus në rritje midis komunitetit ndërkombëtar në favor të nevojës për një armëpushim në Rripin e Gazës dhe kundër një operacioni tokësor në Rafah që mund të shkaktojë një fatkeqësi humanitare.
“Ne po shohim një konsensus në rritje midis komunitetit ndërkombëtar për t’u theksuar izraelitëve se nevojitet një armëpushim, dhe unë gjithashtu e kam dëgjuar në SHBA, e kam dëgjuar nga BE, se çdo operacion tokësor në Rafah mund të shkaktojë një fatkeqësi humanitare”, theksoi Guterres gjatë një konference për shtyp.
Së fundmi ai bëri sërish thirrje për armëpushim.
“Asgjë nuk i justifikon sulmet e tmerrshme të Hamasit më 7 tetor në Izrael. Dhe asgjë nuk e justifikon dënimin kolektiv që po duron populli palestinez. Tani më shumë se kurrë, është koha për një armëpushim të menjëhershëm”, theksoi ai.
/abcnews.al
