Trajneri i Manchester Cityt, Pep Guardiola, i ka thurur elozhe Liverpoolit për titullin kampion, si dhe tregoi se cilat ishin diferencimet mes dy skuadrave ishin këtë sezon.
“Urimet më të përzemërta për Liverpool, bënë një sezon të madh dhe e merituan titullin. Ne nuk ishim në nivelet e sezonit të shkuar, nuk kishim vazhdimësi. Liverpool luajti çdo ndeshje sikur të ishte e fundit, sikur të ishte një finale, ndërsa ne nuk e bëmë diçka të tillë. Klopp iu ka dhënë shumë besim lojtarëve të tij dhe ata e kanë treguar gjatë gjithë sezonit.
Para dy sezonesh, ne kishim 25 pikë më shumë se Liverpool, këtë sezon ata kanë 20 pikë më shumë se ne. Normalisht që do të mundohemi ta ngushtojmë sa më shumë këtë diferencë sezonin e ardhshëm. Ne jemi ende në garë për objektivat tjera dhe ky sezon kurrsesi nuk ka përfunduar për ne”, u shpreh Guardiola./abcnews.al
