Presidenti i rrëzuar i Gabonit, Ali Bongo Ondimba është në arrest shtëpiak, sipas agjencisë së lajmeve AFP duke cituar oficerët ushtarakë.
“Presidenti Ali Bongo është në arrest shtëpiak, i rrethuar nga familja dhe mjekët e tij”, thuhet në deklaratë.
Një nga djemtë e presidentit është arrestuar për tradhti.
Ndërkohë ushtria ka marrë kontrollin e vendit, me udhëheqësit e grushtit të shtetit, të cilët kanë zgjedhur kreun e gardës presidenciale si liderin e tranzicionit.
Presidenti Ali Bongo, 64 vjeç, fitoi një mandat të tretë në detyrë në zgjedhjet e mbajtura të shtunën.
/abcnews.al