Luzi nuk është ndalur as në Gramsh. Ekipi kavajas korri fitoren e pestë në po kaq ndeshje dhe kryeson grupin A të Kategorisë së Dyte me pikë të plotë. Dygolëshi i Sejdinit i dhuroi fitoren miqve, të cilët ndiqen nga Sopoti me 5 pikë më pak.
Ekipi nga Librazhdi dështoi përballë Partizanit B në transfertë. “Demat” fituan 2-0 dhe ky ishte suksesi i dytë rresht në kampionat. Kjo fitore e ngjit ekipin e Kalarit në vend të pestë me 7 pikë.
Tjetër humbje për Mirditën. Ekipi verior u mund në kryeqytet nga Tirana B. 3-1 fituan bardheblutë, që sigurojnë fitoren e parë në kampionat. Disfata e dytë rresht për Mirditën, që mbetet në vend të katërt me 9 pikë.
Në dy ndeshjet e tjera, Ada fitoi në shtëpi 1-0 përballë Spartakut, ndërsa Vora triumfoi me “poker” golash përballë Klosit. /abcnews.al
Kategoria e Dytë – Java 5
E shtunë, më 26 tetor, ora 14;00
Ada-Spartaku 1-0
Gramshi-Luzi 2008 0-2
Tirana B-Mirdita 3-1
Vora-Klosi 4-0
Partizani B-KF Sopoti 2-0
