“Ju lutemi mos e prekni veprën e artit”, është një nga shenjat paralajmërues në galeritë në mbarë botë, por tani ky paralajmërim merr kuptim të plotë.
Dashamirët e artit në Miami e panë me tmerr të enjten mbrëma, kur një koleksioniste rrëzoi aksidentalisht në tokë një skulpturë prej 42,000 dollarësh (34,870 £) të artistit amerikan Jeff Koons.
Ajo e kishte prekur me gisht, thanë dëshmitarët në ngjarje.
Statuja, një balonë qeni, e cila është ikona e Koons, u thye në copa të vogla dhe u desh të fshihej nga stafi i galerisë.
Aksidenti ndodhi gjatë natës eksluzive të hapjes së galerisë vetëm me VIP të Art Wynwood, një panair arti bashkëkohor që mbahet çdo vit në Miami, Florida.
Artisti vendas Stephen Gamson tha për Miami Herald se po e admironte skulpturën, kur një “grua e moshuar” e preku atë, duke e rrëzuar atë nga piedestali.
Në fillim ai mendoi nëse ishte pjesë e një pjese të performancës, por shpejt e kuptoi se kishte qenë një aksident.
Për fat të mirë për gruan, pjesa mbulohet nga sigurimi, tha Bénédicte Caluch, një këshilltar arti me galeritë e Arteve të Bukura Bel-Air që përfaqëson skulpturën.
“Ishte një incident i madh!” Caluch i tha Miami Herald. “Të gjithë erdhën për të parë se çfarë ndodhi.”
Ajo shtoi se gruaja që shkaktoi dëmin, e cila mbeti e paidentifikuar, ishte një koleksioniste arti.
Skulptura ishte pjesë e një botimi të kufizuar ku përmbante 799 skulptura, ndërsa tani është zvogëluar në 798.
“Kjo është një gjë e mirë për koleksionistët,” tha Boero për Times, duke qeshur.
Pavarësisht se është copëtuar në mijëra pjesë, ka ende interes për të blerë skulpturën e shkatërruar.
Gamson ofroi ta blinte atë dhe sepse, siç tha ai në llogarinë e tij në Instagram, “ka një histori vërtet interesante”.
Jeff Koons, 68 vjeç, nuk ka bërë asnjë koment për incidentin.
Gama e tij e skulpturave të Qenit me Balloon janë ndër veprat më ikonike të artit bashkëkohor dhe janë shitur për dhjetëra miliona dollarë.
Disa janë të mëdha deri në 3 metra, por kjo statujë fatkeqe ishte një qenush, me gjatësi 40 cm.
Këto statuja kanë zbukuruar galeritë në të gjithë botën dhe janë ikonizuar më tej nga Jay-Z në vitin 2017, kur reperi punoi drejtpërdrejt me Koons për të krijuar një Balloon Dog.
Në vitin 2019, Koons bëri histori kur skulptura e tij, një lepur u shit në ankand për 91.1 milion dollarë (71 milion £) – çmimi më i lartë i shitjes ndonjëherë për një artist të gjallë.
/abcnews.al
