Mandy Alwood, britanikja që “monopolizoi” faqet e para të të gjitha tabloideve në vitin 1996 për tetë njakët që priste të lindte, ka ndërruar jetë në moshën 56-vjeçare, pasi vuante nga kanceri.
Alwood dominoi të gjitha tabloidet britanike në vitin 1996. Ajo do të ishte e para që do të lindte tetë njakë në Britani, ndaj Mandy me të dashurin e saj Paul Hutson ishin fytyra e ditës në mediat britanike.
Megjithatë, në 7 muajt e shtatzënisë, historia e Mandy mori një kthesë të keqe. Brenda tre ditëve dhe netëve ajo humbi të 8 fëmijët. Gjashtë djem dhe dy vajza. Si rezultat, të gjithë fëmijët vdiqën brenda pak orësh pas lindjes.
Varrimi i foshnjave u transmetua në të gjitha kanalet britanike asokohe. E gjithë Britania vajtoi me të. Madje edhe Princeshë Diana u takua me të për ta ngushëlluar. Në atë kohë 31 vjeçe, ajo u gjet në syrin e ciklonit kur tabloidët e sulmuan, pasi nuk sakrifikoi asnjë nga foshnjat për t’i mbijetuar pjesës tjetër.
Por Mandy nuk e kapërceu kurrë humbjen e fëmijëve të saj. Ajo u nda me të dashurin e saj, ra në depresion, bëri dy përpjekje për vetëvrasje. Pija dhe lokali i lagjes u bënë pjesë e pandashme e jetës së saj për vitet e mëvonshme. Në vitin 2007 ajo u arrestua për drejtimin e makinës në gjendje të dehur me tre fëmijët e saj (nga martesat e mëparshme) në sediljen e pasme dhe kështu humbi kujdestarinë ndaj tyre.
Mandy ishte e izoluar nga e gjithë familja dhe të afërmit e saj. Ajo flinte dhe zgjohej me një pije në dorë. Gjithashtu kishte një taksist të përhershëm që e çonte në lokal dhe kthehej, pasi i ishte hequr patenta.
Gjatë vitit të kaluar, Mandy ka luftuar vetë me kancerin. Ajo iu nënshtrua një operacioni para Krishtlindjeve por sëmundja u rikthye për t’i dhënë goditjen e fundit.
Trupi i Alwood përcoll të premten në mëngjes në Stratford on Avon me shpenzimet e bashkisë. Asnjë nga familja e saj nuk mori pjesë në funeralin e saj, përveç disa gazetarëve. g.v/abcnews.al
