Ndërlikimet që gripi po paraqet kanë bërë që pacientët të mbushin spitalet. Në shërbimin infektiv në Qendrën Spitalore “Nënë Tereza” në Tiranë mjekët po përballen me fluks të lartë urgjencash.
“Aktualisht jemi le të themi në pikun e rasteve me grip në shërbimin tonë. Në urgjencë paraqiten rreth 150 raste në ditë një pjesë e mirë e të cilëve kanë nevojë për hospitalizim si pasojë e komplikacioneve që bën ky grip. Përveç komplikacioneve pulmonare që dominojnë dhe me komplikacione të tjera, të tipit kardiovaskular, kardiak apo dhe neurologjik. Rreth 15 raste në ditë që hospitalizohen”
Pacientët më të shpeshtë janë të moshuar me sëmundje kronike. Por virusi I gripit sipas mjekëve po shfaqet agresive dhe tek më të rinjtë. Në shërbimin infektiv nuk mungojnë 20- vjeçarët që gripi iu ka shkaktuar komplikacone.
“Ka dhe të rinjë që vijnë me komplikacione serioze të prekjeve neurologjike, kardiovaskulare që bëjnë një problematikë të lartë dhe tek kjo grupmoshë. Gripi është pathologji infektive e vështirë, sikurse në të përdithshmen themi grip po kalon . Ne që shohim raste të hospitalizuara themi se komplikacionet kërcënojnë dhe jetën. Nuk duhet neglizhuar. Temperature shumë e lartë që me zor dominohet. Kolla shume e shprehur kërkojnë ndihmën e mjekut”
Mjekët përsërisin thirrjen për të shmangur vendet me shumë njerëz, për të shtuar higjenën personale dhe për të kufizuar kontakte nëse keni shenjat e një viroze. Sipas tyre kështu mund të ndërpritet zinxhiri I transmetimit të virusit I cili përhapet me shpejtësi përmes rrugëve aerogene dhe kontaktit me personin e sëmurë./abcnews.al
