Gratë më të goditura nga pandemia, humbën më shumë vende të punës në krahasim me burrat

Numri më i lartë i humbjes së vendeve të punës për shkak të pandemisë Covid është regjistruar nga gratë.

Kështu thotë raporti i Organizatës Ndërkombëtare të Punës.

Agjencia e KB ka deklaruar se gratë ishin më të rrezikuara për shkurtimin e uljeve të vendeve të punës si edhe uljes së orareve për shkak të kufizimeve të Covid.

Gjithashtu sektorët më të prekur nga koronavirusi ishin ato të shërbimeve ushqimore dhe sektorët e prodhimit.

Këtë vit pritet që më pak se 13 milion gra në krahasim me vitin 2019 të punësohen, ndërsa punësimi i burrave pritet të jetë në të njëjtët nivele me shifrat para pandemisë./abcnews.al/