Gjyqi për Ilir Metën/ Në 18 mars vendimi për nisjen e gjykimit në themel

Seanca e radhës për ish-presidentin Ilir Meta do të zhvillohet me datë 18 mars në orën 10:00, ku do të jepet vendimi nëse dosja kalon për gjykim ose jo.

Në seancën e zhvilluar këtë të enjte, Meta u tërhoq nga kërkesa për zëvendësimin e masës së sigurisë, “arrest në burg”, që kishte paraqitur në Gjykatën e Posaçme.

Shkak është një rekurs i bërë në Gjykatën e Lartë dhe mbrojtja e Metës është në pritje të shqyrtimit nga kjo gjykatë.

Meta ndodhet në qeli që prej tetorit të vitit 2024 dhe po hetohet nga SPAK për 3 çështje aferën CEZ-DIA, lobimin e LSI-së në SHBA dhe hetimin pasuror.

Ilir Meta akuzohet për korrupsion pasiv të funksionarëve të lartë shtetërorë ose të zgjedhurve vendorë, pastrim parash e mosdeklarim pasurie, për cështjen e aferëz Cez DIA, Lobimin e LSI në SHBA, dhe Pastrimi të Parave.

Ish-bashkëshortja e tij Monika Kryemadhi akuzohet për korrupsion pasiv të funksionarëve të lartë shtetërorë në 2 raste, pastrim parash dhe mosdeklarim pasurie./abcnews.al