Një gjykatë gjermane ka dënuar me burgim të përjetshëm një kolonel sirian për krime kundër njerëzimit në një gjyq historik. Anwar Raslan, 58 vjeç, ishte i lidhur me torturimin e mbi 4000 njerëzve në luftën civile të Sirisë në një burg të njohur si “Ferri në Tokë”. Gjyqi në Koblenz është çështja e parë penale në botë e ngritur për torturën e udhëhequr nga shteti në Siri.
Shefja e OKB-së për të drejtat, Michelle Bachelet e vlerësoi dënimin si një “hap historik përpara” në ndjekjen e së të vërtetës. Është e vështirë të imagjinohet se çfarë duhej të duronin burrat dhe gratë e burgosur në burgun famëkeq të Sirisë Al-Khatib. Në zemër të tij, Raslan u akuzua se ishte një oficer i lartë i shërbimit të sigurisë nën Presidentin Bashar al-Assad, ndërsa protestat masive antiqeveritare u shtypën me dhunë në 2011 raporton “BBC”.
Shumë protestues dhe të tjerë të dyshuar që kundërshtonin regjimin u mblodhën dhe u ndaluan në burgun e Al-Khatib në Damask, ku prokurorët thonë se zoti Raslan drejtonte operacionet. Ai u akuzua për 58 vrasje, përdhunim dhe sulme seksuale dhe torturë të të paktën 4,000 njerëzve të mbajtur atje midis 2011 dhe 2012. Vendimi është i rëndësishëm, veçanërisht për ata që i mbijetuan burgut Al-Khatib dhe dhanë dëshmi gjatë gjyqit.
Një gjykatë penale tashmë ka pranuar zyrtarisht se krimet kundër njerëzimit janë kryer nga regjimi i Asadit kundër qytetarëve të tij. / abcnews.al
