Gjykata ka vendosur masën e sigurisë 40 ditë burg për drejtorin e shkollës në Pogradec që u arrestua dhe pezullua nga detyra me akuzën e ngacmimit të dy nxënëseve të shkollës.
Gjykata i ka lënë prokurorisë afat 40 ditë për të plotësuar dosjen me akuzat për Adriatik Haxhillarin, drejtor i shkollës 9-vjeçare “Demokracia” në Stropckë të Pogradecit. Haxhillari nuk i ka pranuar akuzat që janë ngritur kundër tij duke i mohuar.
Jashtë kamerave familjarët janë shprehur se Adriatik Haxhillarit i kanë ngritur kurth nxënëset. “Ai është i pafajshëm, e kanë futur vajzat (nxënëset) në kurth” thanë disa prej familjarëve jashtë kamerave. Adriatik Haxhillari akuzohet se u dërgonte dy nxënëseve 14-vjeçare SMS, të cilat e kanë akuzuar për ngacmim seksual.
Njërës prej vajzave që ka prindërit emigrantë në Greqi për herë të parë i dërgoi një emoji. Kur e mitura nuk reagoi, ai e fshiu. Vajza mundi t’i bëjë screen-shot mesazhit./Abcnews.al
