Gjoka: Shkëndja ime beson ende te titulli, pezullimi i bën dëm Tiranës

23:15 | 24/03/202023:150

Ernest Gjoka ka lënë Tetovën për t’u kthyer në shtëpinë e tij në Tiranë, aty ku po qëndron i izoluar si të gjithë njerëzit e tjerë. Trajneri i Shkëndijës ka prekur tema të ndryshme në lidhjen direkte me emisonin “Fan Zone” në Supersport.

LARGIMI NGA TETOVA – “Ishte shumë e vështirë, sepse në momentin që nisi kjo situatë, në Maqedoni ishte ndryshe. Edhe aty u mor vendimi të ndalej futbollI dhe kam një javë që jam në shtëpi”.

SHKËNDIJA – “Do të jetë e vështirë për të marrë formën fizike, do të jetë ndërpreje e shkurtër apo e gjatë nuk dimë ta shpjegojmë. Mbajtja e skuadrës në formë është specifike, edhe pse kemi kontakt me futbollistët “online”, por nuk është e mjaftueshme. Eshtë e vështirë në anën psikologjike”.

RROGAT – “Nuk di të them nëse do të preken, është kryesia që vendos. Ne jemi në pritje të vendimit të kryesisë, kur ta marrin, do ta ndaj me ju”.

KAMPIONATI – “Që në krye të herës, kur shkova te Shkëndija, e kam gjetur me diferencë të madhe. Vazhdojmë të luftojmë, të kemi besim, përderisa jemi matematikisht në garë. Pavarësisht se në dy ndeshjet e fundit kemi bërë gabime që nuk na falen. Do të shpresojmë deri në fund, derisa matematika na e lejon. Jemi në gjysmëfinale të Kupës dhe kemi një hapësirë të marrim trofe”.

SUPERIORJA – “Kjo ndërprerje i bëri dëm Tiranës, ishte një erë që frynte për Tiranën. Nuk e di se si do të jetë kur të rinisin ndeshjet, 9 pikë janë shumë, por Kukësi e ka potencialin. Gjithsesi, kampionati e ka marrë formën e tij sivjet”. /abcnews.al

 

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono