Një 48-vjeçar në Gjirokastër është kapur me 2.4 kilogramë lëndë narkotike cannabis sativa në banesë, me qëllim shitjen.
Si pasojë, ai ka përfunduar në prangat e policisë në kuadër të megaoperacionit policor mbarëkombëtar, antidrogë, të koduar “Tempulli”.
Ndërkohë, materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Njoftimi i Policisë:
Vijon megaoperacioni policor i koduar “Tempulli”, për goditjen e rasteve të shitjes së lëndëve narkotike.
Sekuestrohen 2.4 kilogramë lëndë narkotike cannabis sativa.
Vihet në pranga 48-vjeçari që e mbante lëndën narkotike në banesë, me qëllim shitjen.
Seksioni për Hetimin e Narkotikëve i DVP Gjirokastër, në bashkëpunim me shërbimet e Komisariatit të Policisë Tepelenë, në vijim të veprimeve intensive operacionale të kryera në kuadër të megaoperacionit policor mbarëkombëtar, antidrogë, të koduar “Tempulli”, pasi ka siguruar informacion se një shtetas posedonte lëndë narkotike në banesë, kanë organizuar punën dhe si rezultat kanë arrestuar në flagrancë shtetasin 48 vjeç, banues në fshatin Lulëzim, Krahës.
Gjatë kontrollit në banesën e shtetasit , shërbimet e Policisë gjetën dhe sekuestruan 2.4 kilogramë lëndë narkotike cannabis sativa, të cilën dyshohet se ai e posedonte me qëllim shitjen në qytetin e Memaliajt./abcnews.al
