Loading ...
Padyshim që vazhdon të bëhet gjithnjë e më i veçantë.
Berat Gjimshiti po e shkruan çdo javë historinë e tij dhe kapiteni i Shqipërisë arriti në 165 fitore në karrierë tek Atalanta.
Për skuadrën me të cilën është tashmë i simbolizuar, mbrojtësi i qendrës ishte në fushë në kualifikimin e bujshëm ndaj Juventusit në Kupën e Italisë, me fitoren 3-0, duke arritur gjysmëfinalen.
Ishte kjo fitorja pikërisht e 165-të e skuadrës nga Bergamo me futbollistin shqiptar në fushë, një histori që nis që nga viti i largët 2015.
Asnjë lojtar tjetër kuqezi nuk ka mundur të ketë një numër të tillë fitoresh me një skuadër të vetme në Itali, ndërsa për sasinë totale të sukseseve, Gjimshiti vjen i dyti pasi mbrojtësit tjetër, Elseid Hysaj, i cili ka luajtur gjithsej gati 500 ndeshje në Apenine, që kur nisi karrierën tek Empoli në 2011.
Gjimshiti ka 316 ndeshje për Atalantën, nga të cilat 270 në Serinë A dhe 35 në Champions, një rekord për shqiptarët.
Tashmë në moshën 32-vjeçare, ai ka kontribut për fanelën zikaltër me 11 gola e 10 asistë.
Si kapiten ka fituar Ligën e Europës në 2024, në finalen e madhe ndaj Leverkusenit gjerman, me triumfin 3-0.
Pavarësisht moshës që kalon dhe ofertave nga Lindja e Mesme, pritet që Gjimshiti të vazhdojë të luajë në Itali për Atalantën, dhe besohet se do ta thyejë rekordin e Hysajt për numrin e ndeshjeve në Serinë A, me 314 paraqitje.
