Legalizimi i kontrolluar i përdorimit të kanabisit për qëllime rekreative është planifikuar nga Ministria e Shëndetësisë e Gjermanisë, sipas një dokumenti përkatës të ministrit Karl Lauterbach, i cituar nga RND Netëork. Legalizimi i kanabisit për përdorim jomjekësor është përfshirë edhe në marrëveshjen programore të partnerëve qeveritarë.
Sipas publikimit, planifikohet të dekriminalizohet blerja dhe mbajtja deri në 20 gram kanabis nga mosha 18 vjeç, ndërsa do të lejohet kultivimi deri në dy bimë kanabis për përdorim personal. Në kanabisin e legalizuar, sasia e lëndës dehëse THC nuk duhet të kalojë 15%, “për të shmangur dëmtimet e trurit të lidhura me kanabisin”, thekson dokumenti. Megjithatë, personat e moshës 18-21 vjeç do të lejohen të shesin vetëm produkte me përmbajtje deri në 10%. Ministria e Shëndetësisë planifikon gjithashtu të organizojë kurse parandalimi të detyrueshme për adoleshentët nën 18 vjeç.
Rregullore e veçantë do të bëhet edhe për pikat e shitjes së produkteve të kanabisit. Distanca minimale nga shkollat dhe ambientet për fëmijët dhe adoleshentët do të vendosen, ndërkohë që po shqyrtohet mundësia e shitjes nga farmacitë, me qëllim shmangien e përfitimeve në zonat e thella. Tregtimi i kanabisit pa licencë të posaçme mbetet i paligjshëm, po ashtu edhe reklamimi i produkteve të kanabisit. Taksimi ka të ngjarë të jetë në shkallën më të lartë të mundshme dhe kërkesa do të duhet të plotësohet vetëm nga prodhimi vendas, pasi importet janë të ndaluara.
Legjislacioni përkatës pritet të jetë gati për votim deri në fund të vitit, megjithëse shumica e shteteve tashmë nuk ndjekin penalisht për posedim të një sasie të vogël, por kanabisi konfiskohet. Përdorimi mjekësor i kanabisit u prezantua në Gjermani në vitin 2017. /abcnews.al
