Këtë të enjte Gjermania dërgoi një paketë të re ndihme ushtarake në Ukrainë dhe njëkohësisht njoftoi se së shpejti do t’i dërgojë raketa të drejtuara AIM-9L për avionët F-16, si dhe disa mijëra drone.
Paketa e re e ndihmës përfshin, ndër të tjera, tetë tanke Leopard 1 A5, të cilat janë dorëzuar së bashku me Danimarkën, më pas 20 automjete luftarake këmbësorie Marder, si dhe municione për tanket Leopard 1 dhe 2 dhe për IFV Marder.
Për më tepër, u dërguan katër automjete luftarake MRAP me mbrojtje ndaj minave, dy sisteme të mbrojtjes ajrore IRIS-T dhe raketa për to, si dhe gjashtë obusi vetëlëvizës Panzer 2000 dhe municione 155 mm.
Si pjesë e paketës së ndihmës, Ukraina mori gjithashtu 30 dronë zbulues Vektor, pajisje për çminim dhe dhjetëra mijëra municione 40 mm nga Gjermania.
Javën e kaluar, kancelari gjerman Olaf Scholz tha se vendi i tij dhe partnerët e tij synojnë të ofrojnë ndihmë sigurie në vlerë prej 1.4 miliardë euro për Ukrainën deri në fund të këtij viti./abcnews.al
