Partia simotër e Angela Merkel ka pësuar humbje të mëdha në landin e Bavarisë, ku u votua këtë të dielë për parlamentin vendor. Mediat gjermane i referohen sondazheve të dala pas mbylljes së kutive të votimit, në landin me 9.5 milionë zgjedhës. Social demokratët e CSU duket se kanë humbur shumicën që gëzonin në parlamentin e landit të Bavarisë.Të gjelbrit renditen sipas sondazheve në vendin e dytë, ndërsa AFD, partia kundër emigrantëve hyn në këtë parlament për herë të parë.
Rezultati konsiderohet një goditje e fortë për partinë simotër, aleate qeverisëse e kancelares Merkel, që dominonte në Bavari që prej vitit 1957, por që humbi mbështetje, teksa opinioni public është i ndarë mbi çështje si emigracioni. Sondazhet e televizioneve më të mëdha gjermane thonë se Unioni Kristian Social, CSU ka marrë 35.5% të votave, duke rënë me 12 pikë krahasuar me katër vite më parë, ndërsa të majtët pro emigracion, të Gjelbrit, 19% të votave. Alternativa për Gjermaninë, AFD, renditet e katërta me 11% të votave të siguruara me kanditatë të pavarur, që njihen si Votues të Lirë. Partnerët e qendrës së majtë të Merkel, Social Demokratët e SPD, renditen të pestët me 10% të votave./abcnews.al
