Nëse ndaloni atë që po bëni dhe hiqni tastet nga tastiera e kompjuterit, do të shihni diçka si një skenë spërkatëse. I vetmi ndryshim është se në vend të gjakut, do të shihni papastërti, pluhur, thërrime dhe mikrobe, të gjitha gjërat që nuk dëshironi t’i prekni çdo ditë.
Tastierat janë vatra bakteresh dhe për shkak se nuk e mbajmë mend sa të pista janë në të vërtetë, shpesh prekim fytyrën, sytë dhe hundën pa larë duart. Hulumtimet kanë zbuluar se dy baktere, të quajtur Enterococcus faecium (VRE) dhe Staphylococcus aureus (MRSA), jo vetëm që rriten në sipërfaqe të tilla, por janë edhe rezistente ndaj ilaçeve. Në fakt, ata mbijetojnë edhe 24 orë në tastierë.
Çfarë do të ndodhë me lëkurën tuaj nëse nuk e pastroni tastierën tuaj? Ka një shans të lartë për të zhvilluar një lloj akneje, e cila është për shkak të prekjes së pajisjeve elektronike të pista. Ato që gjenden në tastierë dhe në celularin tuaj, në veçanti, mund të shkaktojnë edhe infeksione, të tilla si ekzema.
Një tjetër hulumtim, në të cilin ata studiuan një mostër prej 300 tastierash, zbuloi se të gjitha ishin plot me baktere, mes tyre edhe E.Coli. Autorët e këtij studimi zbuluan se këta mikroorganizma patogjenë mund të jenë përgjegjës për transmetimin e infeksioneve të lëkurës. E njëjta gjë vlen edhe për ato në ekranet e smartfonëve, kufjet dhe minjtë.
Në vend që ta hidhni tastierën nga dritarja, ju sugjerojmë të filloni t’i kushtoni vëmendje. Filloni të lani duart para dhe pas përdorimit dhe sigurohuni që ta pastroni tastierën tuaj të paktën një herë në javë. Gjërat që do të gjeni poshtë janë të pabesueshme dhe disi të neveritshme, veçanërisht kur mendoni se po ndodh në fytyrën tuaj./abcnews.al
