Nga Dr. Albana Daka
Gjenomika ushqyese është shkenca që studion se si molekulat në ushqim janë në gjendje të ndërhyjnë në ADN duke aktivizuar gjene të caktuara ose anasjelltas duke i rregulluar ato negativisht (rregullimi lart ose poshtë). Lëndët ushqyese të ushqimit që mund të veprojnë në ADN, në gjenet individuale, duke modifikuar shprehjen e tyre gjenetike, quhen modulatorë të gjeneve.
Ushqimet përmbajnë molekula që nuk japin asnjë kalori, si vitamina, minerale, fibra dietike, polifenole, antociane, flavonoid, karoten… molekula thelbësore për jetën e qelizave. Molekulat me origjinë bimore dhe produktet e detit të afta për të vepruar në trashëgiminë gjenetike kushtëzojnë grumbullimin dhe çlirimin e acideve yndyrore të ngopura, përdorimin e oksigjenit brenda qelizave.
Ushqimi është ndërmjetësi kryesor midis mjedisit të jashtëm dhe trashëgimisë sonë gjenetike.
Kufizimi i ndërhyrjes dietike vetëm në kontrollin e bilancit ditor të energjisë (llogaritja e kalorive ditore) është i tepërt dhe nuk mjafton për rikuperimin e peshës dhe reduktimin e epidemisë së obezitetit. Është e nevojshme të sigurohet në çdo akt ushqimor një dozë adekuate e modulatorëve gjenetikë: HANI PERIMET dhe PRODUKTE DETI (peshk, butak, guaska, alga deti).
