Kryeministrja italiane Giorgia Meloni dhe presidentja e Komisionit Evropian Ursula von der Leyen ndodhen në Lampeduza. Ato do të vizitojnë portin dhe qendrën për refugjatët dhe emigrantët në ishull.
Në një bisedë të shkurtër me një grup banorësh pranë aeroportit, kryeministrja italiane siguroi se po bëhen të gjitha përpjekjet e mundshme për “të çliruar” ishullin nga numri i madh i emigrantëve dhe refugjatëve që kanë mbërritur në pesë ditët e fundit.
Në të njëjtën kohë u dha garancia se në ishull nuk do të krijohet asnjë kamp, as për emigrantët, as për karabinierët dhe policinë.
“Si gjithmonë, unë flas dhe marr përgjegjësinë në vetën e parë”, tha Georgia Meloni.
Presidentja e Komisionit Evropian në postimin e saj në X tha se “për mua është shumë e rëndësishme të jem sot në Lampeduza. Jam këtu për të ofruar një përgjigje të koordinuar nga autoritetet italiane dhe evropiane, duke paraqitur një plan veprimi prej 10 pikash”.
