Autoritetet irakiane kanë filluar të zhvarrosin nga një varrezë masive në Irakun jugor eshtrat e rreth 100 grave dhe fëmijëve me origjinë kurde, të cilët dyshohet se ishin viktima të regjimit të ish-diktatorit Sadam Husein në vitet 1980.
Varreza masive ndodhej pranë Tal al Saiqiyya Provinca Al Muthana.
Ekipet e specializuara filluan zhvarrimin e mbetjeve në mes të dhjetorit. “Pasi u hoq shtresa e parë e dheut dhe mbetjet ishin qartë të dukshme, u zbulua se ato u përkisnin grave dhe fëmijëve të veshur me rroba kurde”, tha për AFP Dia Karim, kreu i autoritetit përgjegjës për zhvarrosjen e varreve masive.
Një tjetër varrezë masive u zbulua aty pranë, tha Durgam Kamel, pjesë e autoritetit, pranë burgut famëkeq Nugrat Salman, ku ishin burgosur shumë kurdë dhe kundërshtarë politikë të regjimit Husein.
Saddam Husseini, i cili u rrëzua në vitin 2003 pasi SHBA pushtuan Irakun, u var për “gjenocid” për vdekjen e rreth 180,000 kurdëve në fushatën brutale “Anfal” të nisur kundër kurdëve nga regjimi Husein në 1987 dhe 1988./abcnews.al
