Një lajm i rëndë ka tronditur Liverpool, sidomos Alisson Becker. Portieri brazilian i kampionëve të Anglisë, ka humbur babanë e tij në moshën 57-vjeçare.
Jose Agostinho Becker kishte dalë për të shëtitur pasditen e kaluar. Vonesa e tij ka alarmuar familjarët në Brazil, të cilët kanë lajmëruar policinë.
Kërkimet kanë përfunduar me gjetjen e trupit të mbytur në një liqen afër shtëpisë. Fluminense, klub ku luan vëllai i Alisson, Muriel Becker, edhe ky në rolin e portierit, ka reaguar me anë të një postimi në Twitter.
O Fluminense Football Club lamenta profundamente o falecimento de José Agostinho Becker, pai dos goleiros Muriel e Alisson. Desejamos toda a força aos amigos e familiares.
— Fluminense F.C. (@FluminenseFC) February 25, 2021
“Klubi i Fluminense shpreh hidhërimin e thellë për vdekjen e José Agostinho Becker, babait të portierëve Muriel dhe Alisson. Ngushëllime gjithë miqve dhe familjarëve“, lexohet në ngushëllimin e klubit latin. /abcnews.al
